Украин дахь дайн 2032 он хүртэл үргэлжилж болзошгүй гэж Германы Засгийн газар, Зэвсэгт хүчин таамаглаж байгаа гэнэ. Энэ талаар Бундесварын хошууч генерал, Батлан хамгаалах яаман дахь Украины нөхцөл байдлыг хариуцсан төвийн тэргүүн Кристиан Фройдинг мэдэгджээ. 

Түүний өгүүлснээр, Германы эрх баригчид болон цэргийнхэн дайн сунжирна гэж тооцоолон, Киевт урт хугацааны дэмжлэг олгоход бэлэн байгаа гэнэ. "Бид холбоотондоо хугацаа өгөхөд бэлэн" хэмээн генерал Фройдинг мэдэгдээд, Орос эзлэн түрэмгийлсэн бүхий л нутаг дэвсгэрийг эргүүлэн авч, 1991 оны үеийн хилийг эргүүлэн сэргээснээр Украин ялсанг гэж тооцно хэмээн Фройдинг онцолжээ. 

Энд дуулгахад, Герман улс дайн эхлэснээс хойш Украинд санхүүгийн тусламж, хүмүүнлэгийн ачаа, зэвсэглэл гээд нийт 22 тэрбум еврогийн тусламж үзүүлсэн юм. Цаашлаад жил бүр Украинд дэмжлэг болгон таван тэрбум доллар олгоно гэж мэдэгдэж байлаа.

Г.Бямбасүрэн