АНУ-ын Филадельфи хотын төвөөр өсвөр настнууд бүлэглэн хэд хэдэн дэлгүүр дээрэмдэж, өмч хөрөнгө сүйтгэсэн талаар NBC мэдээлжээ. 

Эх сурвалжийн мэдээлснээр, өсвөр настнууд олноор цуглан, хотын төв рүү явж байна гэх мэдээлэл есдүгээр сарын 26-ны үдэш цагдаагийн байгууллагад ирсэн байна. Улмаар өсвөр настнууд бүлэглэн олон дэлгүүр тоносны дотор Foot Locker, Apple-ийн дэлгүүрүүд байсан гэнэ. Бүлэг дээрэмд 100 гаруй өсвөр настан оролцсон гэх бөгөөд тэдний үйлдсэн гэмт хэргийн улмаас хичнээн байгууллага хохирсон нь одоогоор тодорхойгүй байгаа аж. 

NBC10 сувгийн нийтлэсэн, гар утсаар хийсэн бичлэг дээр өсвөр настнууд Apple -ийн дэлгүүрийг тоносныхоо дараа гүйлдэн гарч байгаа нь бичигджээ. Өсвөр настнууд дэлгүүр рүү дайран орж, хамгаалагчдын биед халдан, дэлгүүрийн бараа бүтээгдэхүүнийг тонож зугтсан гэж гэрчүүд өгүүлсэн байна. Одоо тэднийг эрэн хайх ажлыг шуурхай зохион байгуулж байгаа аж. 

Г.Бямбасүрэн