Энэ сарын 25-нд 17:00 цагийн үед Дорнод аймгийн Хэрлэн сумын II баг Бөмбөгтэй хөшөөний ойролцоох гэрээсээ долоон настай хүү гараад сураггүй алга болсон тухай  дуудлага Цагдаагийн газар иржээ. 

Дуудлага мэдээллийн дагуу аймгийн цагдаагийн  газраас 20 гаруй хүний бүрэлдэхүүнтэй баг томилогдон эрэн, шалгах ажиллагааг тасралтгүй явуулж байна. Мөн Онцгой байдлын байгууллагаад цагдаагийн байгууллагаас эрэн хайх ажиллагаанд нэмэлтээр хүн хүч, мэргэжлийн дэмжлэг хүссэн дуудлага ирүүлсний дагуу Онцгой байдлын 20 аврагч, 3 тээврийн хэрэгсэлтэйгээр ажиллаж байна.

Өнөөдөр Чойбалсан хотод зохион байгуулагдаж байгаа гамшгаас хамгаалах Улсын сургуулилтад оролцохоор ирсэн нисдэг тэрэг бүхий баг тус эрэн хайх ажиллагаанд дэмжлэг үзүүлэхээр болжээ.