ОХУ Украинд дайн өдүүлсэнтэй холбоотойгоор авч хэрэгжүүлсэн Европын холбооны хориг арга хэмжээний хүрээнд 2023 оны есдүгээр сараас эхлэн Оростой хиллэдэг Европын орнууд Оросын дугаартай машиныг нутаг дэвсгэр рүүгээ нэвтрүүлэхгүй байх шийдвэрийг ээлж дараалан гаргаж байлаа. Энэ удаад өөр хоёгр орон ийм шийдвэр гаргажээ. 

Тодруулбал, Хорват болон Франц улс Оросын дугаартай машинуудыг нутаг руугаа нэвтрүүлэхийг хориглосон арга хэмжээнд нэгджээ. Ингэснээр Оросын иргэд хувийн машинаараа эдгээр орон руу зорчвол хилээр нэвтрэх боломжгүй, цаашлаад машинаа хураалгах ч эрсдэлтэй нүүр тулахаар болж байна. 

Өмнө нь Латви, Литва, Финланд, Польш, Эстони улс ОХУ-д бүртгэлтэй суудлын машиныг хилээрээ нэвтрүүлэхийг хориглосон юм. Түүнчлэн Эстони улс нутаг дэвсгэр дээр нь байгаа Оросын дугаартай машиныг хураах эсэх асуудлыг хэлэлцэж байгаа аж. Цаашлаад 10 дугаар сарын гуравны өдрөөс Норвеги улс Оросын дугаартай машиныг нутаг дэвсгэр рүүгээ нэвтрүүлэхийг хориглох юм байна. 

Г.Бямбасүрэн