Нийслэлийн агаарт өнгөрсөн шөнөөс эхлэн үл мэдэгдэх үнэр тархаж, олон нийтийн сүлжээний хэрэглэгчид газ хэмээн таамаглав. Налайх дүүрэгт байрлах төмөрлөгийн үйлдвэрт газ дэлбэрсэн гэх мэдээлэл цацагдсан ч тус дүүргийн Засаг даргын Тамгын газраас уг мэдээллийг үгүйсгэж, дүүргийн хэмжээнд гал болон дэлбэрэлтийн нэг ч дуудлагагүй, тайван хоносныг мэдээлэв.

Мэргэжлийн байгууллагууд дүүргүүдэд ажиллаж, ШТС, цахилгаан станцууд, газын үйлдвэрүүдийг шалгасан ч хэвийн байгааг Шадар сайд С.Амарсайхан мэдээллээ. Байцаагч нар яг одоо Дүнжингарав орчимд хяналт тавьж байгаа аж.

Одоогоор хаанаас юу алдагдсан нь тодорхойгүй хэвээр байна.