Цагдаагийн байгууллагад энэ сарын 17-ны өдрийн 05 цаг 20 минутад Увс аймгийн Сагил сумын нутаг дэсвгэрт байрлах Хайрханы дөрөвдүгээр застав  “Хилийн .... дахь тэмдэгтээр хил зөрчигч нэвтэрсэн” гэх дуудлага, мэдээлэл бүртгэгдсэн байна. 

Дуудлага мэдээллийн дагуу аймгийн цагдаагийн газрын "Ажлын хэсэг" шалгахад урьдчилсан байдлаар ОХУ-ын талаас 3 морьтой хүн хууль бусаар нэвтэрч, инженерийн торон саадыг тасалсан байна. Энэ үед нь Хилийн цэргийн алба хаагчид галт зэвсгээр анхааруулж буудахад хил зөрчигч байж болзошгүй Тува Улсын нэг иргэн суманд оногдож амь насаа алджээ. Одоогоор аймгийн цагдаагийн газар тус хэрэгт мөрдөн шалгах ажиллагаа явуулж байна.

Энэ талаарх эрх зүйн зохицуулалт МОНГОЛ УЛСЫН ХИЛИЙН ТУХАЙ

48.5 дугаар зүйл. "Улсын хил хамгаалах байгууллага, хилийн манаа хуульд заасан үндэслэл, журмын дагуу галт зэвсэг, тусгай хэрэгсэл, албаны нохой, биеийн хүч хэрэглэснээс үүссэн үр дагаврын төлөө хариуцлага хүлээхгүй."