Ногоон автобусны дуулианаар нийслэлийн Засаг дарга Д.Сумъяабазар, Нийслэл Улаанбаатар хотын авто замын түгжрэлийг бууруулах Үндэсний хорооны дарга Ж.Сүхбаатар нар ажлаа өгсөн. 

Тэднийг НОГООН автобусны асуудлаар хуулийн байгууллагаас шалгаж байгаа эсэх нь тодорхойгүй байсан юм. Тэгвэл өнөөдөр АТГ-ын дэд дарга Г.Азжаргал "Д.Сумъяабазар, Ж.Сүхбаатар нарыг одоогоор шалгаагүй" гэх мэдээллийг өглөө. 

 Сануулахад, Цагдаагийн байгууллага, Авлигатай Тэмцэх Газраас хамтарсан ажлын хэсэг "Тэнүүн-Огоо" компанийн хилээр оруулж ирсэн гэх нийтийн тээврийн автобустай холбоотой асуудлыг шалгаж байгаа юм.