Дэлхийн алдарт BIGBANG-ийн G-Dragon хар тамхины хэрэгт холбогдсоноосоо хойш анх удаа хэвлэлд яриа өглөө.

Түүний хувьд өнөөдөр мэдүүлэг өгөхөөр Инчоны цагдаагийн газарт ирэх үеэрээ сэтгүүлчдийн хэдэн асуултад тайлбар хийв. 

Сэтгүүлч: Таны цагдаад хандах болсон шалтгаан. Яагаад сайн дураараа ирэх болсон бэ?

G-Dragon: Би энд юу болоод байгааг мэдэхийн тулд ирсэн. 

Сэтгүүлч: Та хар тамхи хэрэглэсэн гэдгээ хүлээн зөвшөөрч байна уу?

G-Dragon: Надтай холбоотой энэ асуудалд ямар ч үнэн байхгүй. Би энд үнэнийг илчлэхээр ирсэн. Энд удаан ярьснаас хурдан шалгуулсан нь дээр гэж бодож байна. 

Сэтгүүлч: Та хар тамхи хэрэглэсэн гэдгээ няцаалаа. Үүнийг цагдаагийн байгууллагаас эхлүүлсэн шударга бус үйлдэл гэж бодож байна уу?

G-Dragon: Бид одоогоор хүлээгээд харах хэрэгтэй. 

Сэтгүүлч: Та үсээ хэзээ будаж, цайруулсан бэ?

G-Dragon: Би огт будаг хүргээгүй. 

Сэтгүүлч: Та өмнө нь дурдсан баарны менежер эсвэл эмчтэй хамааралтай юу? 

G-Dragon: Хамааралгүй ээ.

Сэтгүүлч: Шүтэн бишрэгчдэдээ хандаж юу гэж хэлэх вэ?

G-Dragon: Фенүүддээ хандаж хэлэхэд битгий санаа зовоорой. Удахгүй энэ асуудал нэг тийшээ шийдэгдэх болно" хэмээн хариулжээ. 

Цагдаагийнхан түүнээс хар тамхины шинжилгээ шууд авч, дараа нь шээс болон үснээс авсан дээжийг Шүүхийн шинжилгээний үндэсний албан явуулж нарийн шинжлүүлэх аж.