Од эрхэс таны талд байна гэж зурхайд буужээ. Оны эхний улиралд анхаарал сэрэмжтэй бай. Энэ үед ихрийн ордныхны биеэ барих, тэнцвэртэй шийдэл гаргах, нөхцөл байдлаас үл хамааран сэтгэл санаагаа тогтвортой байлгах чадвараас нь олон зүйл хамаарна. Хаврын улиралд мэлхийн ордныхон олон хүний түшиг тулгуур болох шаардлага гарна. Гэхдээ хэтрүүлээд хэрэггүй, өөрийнхөө ажилд гаргах цаг хомстож мэднэ. Дөрөвдүгээр сарын дунд үеэс илүү таатай үе эхэлнэ. 

Бүх асуудал нэг дор шийдэгдэхгүй байж мэдэх ч гол нь тэвчиж, тэсэх хэрэгтэй. Энэ үед таатай уулзалтууд, найз нөхөдтэйгээ ярилцахаас ихээхэн эрч хүч авна. Өмнө нь сэтгэл түгшээж байсан асуудлуудыг одоо л ярилцаж, шийдэл олоход тохиромжтой. 

Аравдугаар сарын эхээр эерэг чиг хандлага, ажил хэргийн эрч буурч магадгүй. Оны төгсгөл мэлхийн ордныхны хувьд тийм ч бүтээл байхгүй. Гэхдээ ийм тайван саруудыг эрч хүчээ сэргээж, гэр ахуйн асуудлуудаа шийдэж, өөртөө болон ойр дотныхноо халамжлахад зориулан ашиглаж болно. 

ЭРЧҮҮД 

Ирэх онд санхүүгийн асуудлуудад эерэг өөрчлөлт гарна. Өмнө нь эхлүүлсэн төслүүд үр өгөөжээ өгч эхэлнэ. Оны дунд үеэр мэлхийн ордны эрчүүд ээдрээтэй нөхцөл байдлыг хэрхэн шийдэхээ ойлгоно. Тэд олонд хэрэгтэй хүн гэдгээ мэдэрч, илүү амжилтад хүрнэ. Хамгийн гол нь эргэлзээгээ авч хаяж, “зөрүүд илжиг шиг” байхаа болихыг зөвлөж байна. Ингэснээр хүссэн зорилгодоо хүрнэ. 

Гэр бүлийн амьдралд тайван, эерэг уур амьсгал ноёлно. Одоогоор ганц бие байгаа мэлхийн ордны эрчүүд мөрөөдлийнхөө бүсгүйтэй учирж, бат бэх харилцаа үүсгэх боломжтой

. 
ЭМЭГТЭЙЧҮҮД

Мэлхийн ордны эмэгтэйчүүдийн хувьд таатай цаг үе тохионо. Тэд урт хугацаанд үргэлжлэх, үнэнч найз нөхдийн холбоотой болно. Энэ ордны бүсгүйчүүд улам дур булаам болж, эсрэг хүйстнийхээ анхаарлыг татна. Хайртай хүнтэйгээ учраагүй байгаа бүсгүйчүүд энэ онд аз жаргаала олно. Романтик болзооноос битгий татгалз. Сайхан сэтгэлээ ил гаргаж, найз нөхөд болон хайртай хүнтэйгээ чөлөөт цагаа өнгөрүүл. Ингэснээр таны эерэг энерги улам нэмэгдэнэ. 

ХАЙР ДУРЛАЛ

Луу жилд мэлхийн ордныхон хувийн амьдралынхаа тал дээр өөрчлөлтөд тэмүүлнэ. Энэ он аз жаргал, амжилтыг авчирна. Зорилгодоо хүрэхийн тулд идэвхтэй байхыг зөвлөж байна. 

Эхний улирал сүй тавих, гэрлэх эсвэл хань ижлээ хайх зэрэг чухал шийдвэр гаргахад тохиромжтой үе. Түүнчлэн зуны улиралд ч романтик харилцаанд аз жаргалтай үйл явдлаар дүүрэн байна. Гэр бүлтэй мэлхийн ордныхон улам бат бэх, халуун дулаан харилцаатай болох бол ганц бие хүмүүс амьдралынхаа ханийг хялбархан олж, бат бэх харилцаа үүсгэх боломжтой.

Энэ онд хийсэн романтик болзоо сэтгэлийн таашаал өгнө. Мэлхийн ордныхонд намрын улиралд бага зэрэг ганцаардсан мэдрэмж төрөх ч энэ нь гуниглах шалтгаан биш. 

ЭРҮҮЛ МЭНД

Оны эхний долоо хоногуудад ядарсан мэдрэмж төрнө, гэхдээ богино хугацаанд хэвийн болно. Бие бялдрын болон сэтгэл санааны байдлаа хянаж, тайван байхыг хичээх нь нэн чухал. Хэдэн өдрийн турш тайвширч, амрахыг хичээгээрэй. 

Түүнчлэн та хоол хүнс болон амьдралын хэв маягтаа анхаарах хэрэгтэй. Өглөөд адсгал хийж, долоо хоногт 2-3 удаа биеийн тамираар хичээллэж, оройн цагаар агаарт зугаалахыг зөвлөж байна. Ингэснээр амьдралын эрч хүчийг олж авч, нойргүйдлийн асуудлаас сална. 

САНХҮҮ  

2024 онд тааламжтай цаг үе тохионо. Жишээлбэл ажил хэргээр хилийн чанадыг зорих эсвэл гадаад төсөл эхлүүлснээр мөнгөний урсгал нээгдэнэ. Гэхдээ санаа амарч болохгүй. Мэлхийн ордныхон өөрийгөө урагшлуулж, хэрэгтэй үед хэрэгтэй газартаа байж, санаачилгатай байх хэрэгтэй. 

Санхүүгийн байдал өөрөөс тань ихээхэн шалтгаална. Мэлхийн ордныхон бүхий л хүч чадлаа зарцуулж, сайтар бодож тунгаасан санаагаа амьдралд хэрэгжүүлж чадвал санхүүгийн байдал цэцэглэхийг удаан хүлээх шаардлагагүй болно. 

Бизнес эрхэлдэг мэлхийн ордныхон орлого ашиг арвинтай байна. Түүнчлэн орлогын өөр эх үүсвэрүүдийг ч хайх хэрэгтэй.