Мэргэжлийн сүмо бөхийн озэки Харүмафүжи Д.Бямбадорж өнөөдөр хуримлах гэж байна. Аралын оронд болох хуримд оролцохоор Монголоос түүний найз нөхөд, хамаатан саднаас бүрдсэн 30 гаруй зочин уригджээ. Тэрээр одоогоос жилийн өмнө буюу 2010 оны есдүгээр сарын 29-нд өөрийн сүйт бүсгүй М.Баттуулыг албан ёсоор танилцуулсан билээ. Удалгүй охинтой болсон хосууд ийнхүү хуримлаж байна. Сумочдын уламжлалт ёс жаягийн дагуу хуримын ёслолыг гүйцэтгэх бөгөөд озэкигийн төлөвлөснөөр хосуудын Монгол дахь хурим ирэх онд болох юм байна.