2024 оны бол парламентын сонгуулийн жил. Томсгосон тойргоор явагдах энэ удаагийн сонгуулийн өрсөлдөөн он гарснаас хойш эрчимжиж, улстөрчид ард түмэнд аль сайхнаараа харагдахаар хичээж байна. 

Өнгөрсөн амралтын өдрүүдэд л гэхэд УИХ-ын зарим эмэгтэй гишүүд бууз "хийж байгаагаа" нийгмийн сүлжээндээ байршуулж багагүй шуугиан дэгдээлээ. Тэдний нэг УИХ-ын гишүүн Д.Өнөрболорын "хөлдүү бууз" нийгмийн сүлжээнд элэг доог болов. Тэгвэл тэрбээр цахим сүлжээндээ "Өчигдрийн жиргээ маань нилээн шуугиан тарьжээ дээ. Тавилттай гэж их шүүмжилжээ. Цагаан сард зориулсан нэвтрүүлэгт оролцож байх үедээ зорьж авахуулсан зураг минь билээ" хэмээсэн байна.