Өвөрхангай аймгийн Хархорин сум Вангийн-Овоо багийн "Умын-Ам" гэдэг газарт суудлын хоёр автомашин мөргөлдсөн осол 2024.02.12-нд гарсан байна. Архангай аймгийн Өндөр-Улаан сумаас Улаанбаатар хотын чиглэлд зорчиж явсан "Королла Румион" загварын суудлын автомашин, "Коррола" загварын суудлын автомашинтай мөргөлдөж автомашины эд ангид 67 настай, эмэгтэй хавчуулагдан нас барсан байна.

Тус аймгийн Онцгой байдлын газрын Гал түймэр унтраах, аврах 45 дугаар ангийн алба хаагчид хүнд гэмтсэн нэг зорчигчийг сум дундын Эмнэлгийн яаралтай тусламжийн эмчид, цогцсыг  Хархорин сумын сум дундын Цагдаагийн хэлтэст,  хүлээлгэн өгсөн байна.