Онцгой байдлын байгууллагад өчигдөр автомашин шатсан гурван дуудлага иржээ. 

Баянгол дүүргийн 22 дугаар хорооны нутаг дэвсгэрт Зүүннарангийн 18 дугаар гудамжинд гараж шатсан тухай дуудлага 2024.02.14-ний 14:02 цагт ирсэн байна. Иргэн Т-ын 4х5 метрийн хэмжээтэй гаражийн хана, тааз, дотор нь байсан "Тоёота-Акуа" загварын суудлын автомашин шатаж байсныг Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид очиж унтраажээ.

Мөн Архангай аймгийн Эрдэнэбулган Цагаан даваа багийн “Цагаан даваа” гэдэг газарт суудлын автомашин шатсан дуудлагыг 2024.02.14-ний 18:02 цагт хүлээн авчээ. Тус аймгийн Онцгой байдлын газрын Гал түймэр унтраах, аврах 51 дүгээр ангийн алба хаагчид иргэн Э-ийн  “Тоёота камри” загварын суудлын автомашин шатаж байсныг унтраасан байна.

Дархан-Уул аймгийн Хонгор сумын 1 дүгээр багийн “Цайдамын хөндий” гэдэг газарт суудлын автомашин шатжээ. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид иргэн Я-ын “Тоёота пробокс” загварын суудлын автомашин шатаж байсныг унтраажээ.