Хууль зүйн үндэсний хүрээлэнгээс цахим орчин дахь залилах гэмт хэргээс урьдчилан сэргийлэх зөвлөмжийг хүргэж байна.

Үүнд

• Нийгмийн сүлжээгээр таны танил мөнгө зээлүүлэхийг хүсвэл заавал утсаар залгаж тухайн хүн мөн эсэхийг баталгаажуулах

• Нууц үгээ санаандгүй хэн нэгэнд мэдэгдсэн, эсвэл хангалттай сайн нууцлалтай биш гэж үзвэл нууц үгээ солих

• Найдвартай и-мэйл үйлчилгээг ашиглах

• Өөр хүний утас, компьютер дээр интернэт банкны мэдээллээ оруулахгүй байх, үнэгүй wifi ашиглахаас татгалзах

• Картын пин кодоо ил тод хадгалахгүй байх, хэн нэгэнд дамжуулахгүй байх, худалдан авалт хийхдээ пин кодоо хэлэхгүй байх

• Хонжвор, урамшуулал амласан вебсайт дээр картын дугаарыг бүртгүүлэхгүй байх

• Үл таних хүнд дансаа ашиглуулахгүй байх

• Үл таних хүнд АТМ-ээс мөнгө авч өгөхгүй байх

• Онлайн худалдаа хийхдээ баталгаат онлайн дэлгүүрүүдийг сонгох

• Хэн нэгний хүсэлтээр гар утсанд ирсэн нууц кодыг дамжуулахгүй байх

• Үл таних вебсайт дээр интернэт банкны нэр, нууц үгээ ашиглахгүй байх