Цаг уурын өртөөдийн мэдээгээр 2024.02.29-ны өглөөний 08 цагийн байдлаар Увс аймгийн Сагил, Хяргас сумдын нутагт хамгийн зузаан буюу 46 см цасан бүрхүүлтэй байна. Гуу жалганд  80-100 см зузаан цастай байна.

Өнгөрсөн хоногт Хэнтийн уулархаг нутаг, Халх голын сав газраар 0.9 мм цас орсон. Зүүн аймгуудын нутгаар 10.15 м/сек хүйтэн салхиллаа.

Өнгөрсөн шөнө говийн бүс нутгаар 15-20 хэм, Увс аймгийн Зүүнговь суманд хамгийн хүйтэн буюу 43 хэм хүйтэн хонолоо.

Цаг агаарын ирэх 10 хоногийн төлөв

03 дугаар сарын 01, 02-нд ихэнх нутгаар цаг агаар тогтуун, одоогийн темпуратураас 5-10 хэмээр хүйтний эрч сулрах төлөвтэй байна. Харин 03-наас баруун болон төвийн аймгуудын нутгаар, 04-нд ихэнх нутгаар, 05, 06-нд зүүн аймгуудын нутгаар хүйтэрнэ.

07, 08, 09-нд ихэнх нутгаар цаг агаар тогтуун, хүйтний эрч суларна.

03 дугаар сарын 03-нд баруун болон төвийн аймгуудын нутгийн хойд хэсгээр

 04-нд баруун, төв, говийн аймгуудын нутгийн зарим газраар

05-нд говийн аймгуудын нутгийн зүүн, зүүн аймгуудын нутгийн өмнөд хэсгээр цас орж, цасан шуурга шуурна. Энэ цасан шуурга цаг агаарын аюултай үзэгдлийн хэмжээнд хүрэхгүй, баг зэргийн цас ороод өнгөрнө.

ЦУОШГ-ын Ахлах мэргэжилтэн О.Оюунчимэг "Улирал солигдож байгаа учраас цаг агаар маш ойр ойрхон өөрчлөгддөг. 03 дугаар сарын 01, 02-нд ихэнх нутгаар цаг агаар тогтуун байх ч 03, 04-нд бага зэргийн цас орж, дараагийн 2 хоногт хүйтрээд 07, 08, 09-нд эргээд дулаарч, 11, 12-наас баруун талаас цаг агаар муудах төлөвтэй байна" гэсэн мэдээллийг өглөө.