Ази тивийн аварга, олон улсын хэмжээний мастер Б.Баасанхүү жүдо бөхийн 2024 оны Дэлхийн аварга болж, Абу Даби-гийн тэнгэрт төрийн далбаагаа мандууллаа. Тэрбээр эмэгтэйчүүдийн 48 кг-ын жинд алтан медаль хүртэж, ДАШТ-ээс Монголын жүдочдын зургаа дахь алтан медалийг хүртэв.

Дэлхийн аварга жүдочид 

 

2009 онд Х.Цагаанбаатар

2013 онд М.Уранцэцэг

2014 онд Г.Болдбаатар

2017 онд Д.Сумъяа

2022 онд Ц.Цогтбаатар

2024 онд Б.Баасанхүү 

Дэлхийн жүдо бөхийн эмэгтэйчүүдийн 48 кг-ын жинд Монголын жүдочид тод мөртэй. Энэ жинд Мөнхбатын Уранцэцэг 2012 онд Ази тивийн аварга, 2017 онд ДАШТ-ий мөнгө, 2021 онд Токиогийн олимпын хүрэл медаль, 2023 онд Дэлхийн аварга болж, эх орныхоо нэрийг тодоор тамгалсан юм.

Тэгвэл одоо Бавуудоржийн Баасанхүү 48 кг-ын жинд түүний залгамж халааг үргэлжлүүлж, дэлхийн жүдод нэрээ дуурсгаж эхэллээ. 

Б.Баасанхүү 

 

04 дүгээр сард Монгол Улсын аварга

04 дүгээр сард Ази тивийн аварга

05 дугаар сард Душанбе их дуулгын аварга

05 дугаар сард Дэлхийн аварга болж, Монголын жүдочдын бас нэгэн тод од болохоо дэлхийд харууллаа.

Одоо түүнд Парисын олимп л үлдээд байна. Монголын ард түмэн Токиогийн олимпод М.Уранцэцэгийн захыг мушгиж байсан бол энэ удаа Б.Баасанхүүгийн төлөө уухай хадаах нь ээ.