Бурхан багшийн их дүйчэн өдөр маргааш буюу зуны тэргүүн сарын шинийн 15-нд тохионо. Энэхүү өдрийг тохиолдуулан МБШТөв-Гандантэгчэнлин хийд, бурханы шашны чиглэлээр үйл ажиллагаа явуулдаг ТББ-ууд, бүх сүм хийд хамтран хүндэтгэлийн жагсаал зохион байгуулж, Батцагаан цогчэн дуганы өмнө ёслол хүндэтгэлийн арга хэмжээ хийх аж.  

Энэ өдөр Бурхан багш эхээс лагшин мэндэлж, улмаар гэгээрсэн бурхны хутгийг олсон, таалал болох буюу нирваан дүрийг үзүүлсэн зэрэг гурван зохиол давхацсан гэдгээрээ бусад өдрөөс онцлогтой.

Нийтээр тэмдэглэх баяр болон тэмдэглэлт өдрүүдийн тухай хуулийн дагуу энэ өдөр бүх нийтээрээ амарна.