Дархан-Уул аймгийн Дархан сумын нэгдүгээр багийн нутаг дэвсгэрт байрлах “Дархан гурил, тэжээл” үйлдвэрийн буудай хадгалах лваторт /агуулах/ тэсрэлт болсон талаар бид өмнө нь мэдээлсэн. Уг осол, дэлбэрэлтийн шалтгаан, нөхцлийг тодруулахаар холбогдох мэргэжлийн байгууллагууд болон ОБЕГ-ын дарга Ц.Амгаланбаяраар ахлуулсан ажлын хэсэг тус аймагт ажиллаж байна. Тус үйлдвэрийн 500 тн-ын багтаамжтай 14 лваторын нэг нь өдрийн 12.37 минутад задарч 30-40 метрт шидэгдсэн аж. Уг лваторын барилгын доод талд нь буудай халснаас сэлгэлт, ачилт хийгдэж байсан юм байна. Тэсрэлтийн улмаас нэг ажилтан толгойн тус газраа шарх авсан гэдгийг ОБЕГ-аас мэдээллээ. Н.Дэлгэр