АН-ын бүлэг хуралдаж дууслаа. Намын бүлгийн дэд дарга Л.Гантөмөр мэдээлэл өглөө. Тус намын бүлгийн  шаардсан шаардлагын дагуу МАН-ын бүлэг, Ерөнхий сайд саналаа дахин хэлэлцээд Тэргүүн шадар сайдын орон тоог цомхотгож байна. Энэ талаараа Ерөнхий сайд Ерөнхийлөгчтэй зөвшилцөөд УИХ-д тогтоолын төслөө ирүүлжээ. Харин УИХ-ын гишүүдийг сайдаар томилуулахыг эсэргүүцсэнд хариу өгсөнгүй. Засгийн газрын үйл ажиллагааг хэвийн явуулах хэрэгтэй гэдгийг манай намын бүлэг хэлэлцээд сайд нарын гурвыг нь дэмжихгүй ч гэсэн хэлэлцүүлгийг хийхээр боллоо. Гэхдээ эхлээд Засгийн газрын бүтцийг ярина. Дараа нь сайд  нарыг томилох эсэх хэлэлцүүлгийг хийнэ гэлээ.