ОХУ-ын Ерөнхийлөгч Владимир Путин иргэний зориулалттай дэд бүтцэд цохилт өгөхөө зогсоох тухай Украины саналыг “судалж үзэхэд бэлэн” гэдгээ мэдэгдлээ. Энэ нь талууд шууд хэлэлцээ хийх боломжийг үгүйсгээгүй гэсэн үг бөгөөд тус  мэдэгдэл нь гурван жилийн турш тасралтгүй үргэлжилж буй дайн  “түр зогсох" боломж ирж болох тухай олон улсын шинжээчид мэдэгдлээ. 

Украины Ерөнхийлөгч Владимир Зеленский иргэний дэд бүтцэд холын зайн дрон болон пуужингаар хийх дайралтыг 30 хоногийн хугацаанд зогсоохыг Кремльд санал болгосон байдаг. Тус санаачилга нь хүний амь нас, иргэдийн аюулгүй байдлыг хамгаалах зорилготой бөгөөд НҮБ болон Европын Холбооны зарим төлөөлөгчид энэ саналыг дэмжиж байгаагаа илэрхийлжээ.

Харин В.Путин “саналыг сайтар судлах шаардлагатай” гэж хариу өгсөн ч, “хэрэв хэлэлцээ хийх бол бодитой, хэрэгжихүйц нөхцөл шаардлагатай” хэмээн онцолсон нь барууны улс орнуудын хориг арга хэмжээ, Украины баримталж буй байр суурийн талаархи ОХУ-ын урьдын хатуу байр суурь хэвээр байгааг харуулж байна.