Энэтхэг Пакистаны маргаантай бүс Жамму Кашмир мужид зэвсэгт халдлага болж 26 жуулчин амиа алдсан хэрэг гарсан. Зэвсэгт халдлагын улмаас амиа алдсан жуулчдын 25 нь энэтхэгчүүд байсан нь талуудын хоорондын маргааныг улам хурцатгаж байна. Уг халдлагыг өчигдөр “Эсэргүүцлийн фронт” гэх үл мэдэгдэх зэвсэгт бүлэглэл хүлээсэн бөгөөд энэ бүлэглэл хаанаас дэмжлэгтэй нь одоогоор тодорхойгүй байна.

Гэвч Энэтхэгийн талаас халдлага үйлдсэн байж болзошгүй дөрвөн этгээдийн гурав нь хэн болохыг илрүүлсэн байна. Зэвсэгт этгээдийн хоёр нь Пакистаны иргэн, гурав дахь нь Кашмирын оршин суугч байжээ.

Энэтхэгийн засгийн газар “Эсэргүүцлийн фронт” гэх зэвсэгт бүлэглэлийг Пакистаныг дэмжиж, "Хил дамнасан терроризмыг санхүүжүүдэг" хэмээн буруутгасан мэдэгдлийг хийснээр талуудын харилцаа улам хурцдаж байна.  

Харин Пакистаны тал энэ халдлагад ямар ч оролцоогүй гэж мэдэгдсэн юм. Үүнээс гадна Исламабадын эрх баригчид "нэг талыг баримталсан, шударга бус, улс төрийн зорилготой, туйлын хариуцлагагүй, хууль эрх зүйн үндэслэлгүй" мэдэгдэл хийсэн Энэтхэгийн эрх баригчдын эсрэг хариу арга хэмжээ авахаа мэдэгджээ. Үүнд Энэтхэг иргэдэд олгосон визийг хүчингүй болгож, дипломатчийг хөөж, агаарын орон зайдаа Энэтхэгийн онгоцуудыг нэвтрүүлэхгүй, мөн тус улстай хийж буй худалдаагаа зогсоож буйгаа мэдэгдлээ. Мөн Исламбадын эрхбаригчид 1960 оноос хойш хүчин төгөлдөр мөрдөгдөж буй Энэтхэг, Пакистаны хооронд байгуулсан ус хуваах гэрээ буву Инд мөрний усны гэрээнд оролцох үүргээ түтгэлзүүлээд байна.