АНУ-ын Ерөнхийлөгч асан Жо.Байден түрүү булчирхайн хорт хавдараар оношлогджээ. Өдгөө 82 настай Жо.Байдены хорт хавдар ясанд нь тархаад буй аж. Түүний өвчний явц тун хурдацтай тархаж буй бөгөөд одоогоор эмчилгээний аргуудаас сонгож байна хэмээн гэр бүлийнх нь зүгээс мэдэгдлээ.

Гэхдээ Жо.Байдены туссан түрүү булчирхайн хорт хавдар дааврын нөлөөнд мэдрэмтгий тул эмчлэгдэх боломжтой гэж эмнэлгийн зүгээс мэдэгджээ.

АНУ-ын Ерөнхийлөгч Дональд Трамп өөрийн "Truth Social" хуудсандаа “Ерөнхийлөгч асан Жо.Байдены оношийг сонсоод маш их харамсаж байна. Гэр бүлд нь сайн сайхныг ерөөе. Хурдан эдгээрэй” хэмээн бичжээ.

Мөн Камала Харрис болоод Барак Обама нар хурдан эдгэрэхийг ерөөжээ. Барак Обамагийн хувьд “Хорт хавдрыг хэмчлэх аргыг хамгийн ихээр эрэн хайж байсан хүн бол Жо.Байден. Хэн ч хорт хавдрын эсрэг түүн шиг их ажил хийгээгүй” хэмээн бичсэн байна.