Сүүлийн жилүүдэд Нийслэлийн барилгажилт эрс нэмэгдэхийн хэрээр сургууль цэцэрлэгийн хомстол эхэлсэн. Нэн ялангуяа нийслэлийн Хан-уул дүүрэгт улсын сургууль хомстолтойгоос харьялалын бус сургуулиудад суралцаж буй нь түгжрэлийн гол эх үүсвэр болж буй. Тодруулбал ХУД-ийн 23-р хороо 3400 мянга гаруй өрх, 11 мянган оршин суугчтай. Гэвч улсын нэг сургуульгүй байсаар ирсэн нь төлөвлөлтийн нийтлэг алдаа юм. Тиймээс 23-р хорооны хүүхдүүд хоёр буудлын цаана байрлах 34-р сургуульд хүүхдүүд хичээллэдэг байв.

Харин 2024 оноос Хан-Уул дүүргийн 23-р хороонд 960 хүүхдийн багтаамжтай сургууль барих ажлыг эхлүүлсэн ч улсын төсвийн асуудлаас үүдэн барилгын ажил удаашралтай байсныг УИХ-ын гишүүн Ж.Алдаржавхлан анхаарч, шаардлагатай төсвөөс 6 тэрбум төгрөг олгохоор болжээ.

УИХ-ын гишүүн Ж.Алдаржавхлан тус ажлынхаа хүрээнд төсөв нь шийдэгдээд буй сургуулийн барилгын ажлын явцтай танилцлаа.

УИХ-ын гишүүн Ж.Алдаржавхлан: “Хан-Уул дүүргийн 23-р хороо Яармагт баригдаж байгаа улсын ганц сургуулийн барилгын ажилтай танилцаж байна. Энэ сургуулийн барилгын ажил 2024 онд эхэлсэн. Барилгын ажил графикийн дагуу явагдаж байна. Тус сургуулийн барилга 18 тэрбум төгрөгөөр баригдана. Гэтэл энэ онд нийслэл дээр 6 тэрбум төгрөгийн санхүүжилт тавьсан байна. Барилгын компанийн зүгээс 11-р сард ашиглалтад оруулах гээд зорьж өөрсдийн хөрөнгөөр барилгын ажлаа үргэлжлүүлж байгаа юм байна. Харин одоо нийслэлээс олгох төсвөө нэмэгдүүлж, барилгын ажлаа дуусгах шаардлагатай байна. Нийслэлийн төсөвт тус сургуулийн барилгын зардлыг шийдэхэд анхаарч ажиллана” гэсэн юм.

Сургууль цэцэрлэгийн хүртээмжийн асуудал нийслэлийн замын түгжрэлийн гол шалтгаан болж буй нь үнэн. Тиймээс нийслэлийн автозамын түгжрэлийн буурах бодитой гаргалаа нь улсын сургууль. Хан-Уулын 23-р хорооны эцэг эхчүүд ч улсын сургуультай болох юм бол замын түгжрэл дүүрэг хороо дамжин явах сонирхолгүй хэмээн онцолж байв.