АНУ-ын Ерөнхийлөгч Дональд Трамп, Европын холбооны импортод ногдуулах 50 хувийн татварыг долдугаар сарын 9 хүртэл хойшлуулахаар тохиролцжээ. Тэрээр Европын Комиссын Ерөнхийлөгч Урсула фон дер Лейентэй утсаар ярих үеэрээ татварын асуудлыг хэлэлцсэн байна. Ингэснээр Европын холбоонд ногдох 50 хувийн импортын татварыг 6-р сарын 1-ээс хэрэгжих байсныг 7-р сар хүртэл хойшлуулахаар болоод байна. Европын холбоонд ногдох импортын татвар хойшилж буй нь зах зээлийг хямралыг “түр намжааж” байна.

Тухайлбал, импортын татвар хойшилж буй мэдээллийн дараа, Азийн хөрөнгийн зах зээлүүд өссөн байна. Японы жишиг Nikkei 225 индекс даваа гарагийн эхний арилжаагаар 0.8%-иар өссөн бол БНСУ-ын KOSPI индекс 0.9%-иар өссөн байна. Харин Хятадын Shanghai Composite индекс 0.3%-иар өссөн бол, Тайваний TAIEX болон Австралийн S&P/ASX 200 индекс харьцангуй тогтвортой байна. Тэгвэл ХонгКонгийн Hang Seng индекс 0.3%-иар уналттай байна.

АНУ ЕХ-ны өнгөрсөн 2024 онд хийсэн худалдааны алдагдал 236 тэрбум долларт хүрсэн  гэж АНУ-ын Худалдааны яам мэдээлсэн юм. Дональд Трампын хувьд оёдол нэхмэл бус харин өндөр технологи, батлан хамгаалах салбарын бүтээгдэхүүн үйлдвэрлэх шаардлагатай байгаагаа онцолсон. Тиймээс Дональд Трампын засаг захиргаа импортын татварыг асуудлыг дахин хэлэлцэх ёстой гэжээ.