АНУ-ын Ерөнхийлөгч Дональд Трамп Харвардын их сургуулийг дахин сүрдүүллээ. Дональд Трамп Харвардын их сургуульд гадаад оюутнуудыг сургахгүй хэмээн мэдэгдсэний дараа гадаад оюутнуудын дунд үймээн дэгдсэн. Харвардын их сургуулийн нийт оюутны 27 хувийг гадаад оюутан бүрдүүлдэг. Тиймээс уг асуудлыг нэн даруй шийдвэрлүүлэхээр Харвардын их сургуулийн захиргаа шүүхэд хандаад байна. Тус шүүх хурал мягмар гарагт товлогдоод байгаа аж.

Гэтэл Дональд Трампын хувьд даваа гарагт дахин Харвардын их сургуулийн 3 тэрбум долларын санхүүжилтийг танахаа мэдэгджээ. Учир нь тус сургуулийн оюутнууд Израилын эсрэг жагсаалыг зохион байгуулж, Палестиныг дэмжсээр буй нь антисемитизм буюу еврейн эсрэг үзлийг дэлгэрүүлж байгаа хэлбэр мөн гэж мэдэгдээд байна.

Дональд Трамп энэ шийдвэрийнхээ тухай мэдээлэхдээ, "Еврейн эсрэг үзэлтэй Харвардын их сургуулиас гурван тэрбум долларын санхжүүлтийг зогсоож, оронд нь худалдааны сургуульд өгөх бодолтой байна. Энэ бол АНУ-д оруулах том хөрөнгө оруулалт юм гэжээ.