Засгийн газрын Хяналт хэрэгжүүлэх газар нь Монгол Хуульчдын холбоотой төрийн байгууллага албан тушаалтны хууль, тогтоомж, бодлого шийдвэрийг хэрэгжүүлэх үйл ажиллагааг сайжруулах, хуульд нийцээгүй дүрэм журмыг цэгцлэх, төрийн бүтээмжийг дээшлүүлэх, төрийн үйлчилгээний хүнд суртлыг арилгах, төрийн албан хаагчийг чадавхжуулах сургалт, хэлэлцүүлэг зохион байгуулах, хууль тогтоомжийг боловсронгуй болгох чиглэлээр хамтран ажиллах санамж бичиг байгуулсан.

Санамж бичгийн хүрээнд Монголын Хуульчдын холбоотой хамтран 2025.05.28-ны өдөр хууль тогтоомжийг боловсронгуй болгох, хууль тогтоомжийг хэрэгжүүлэх, ашиг сонирхлын зөрчлөөс урьдчилан сэргийлэх чиглэлээр байгууллагын албан хаагчдын чадавхыг бэхжүүлэх зорилгоор “Дүрэм, журам боловсруулах арга зүй”, “Зөрчлийн хууль тогтоомжийн хэрэгжилт”, “Авлига ашиг сонирхлын зөрчлөөс урьчдилан сэргийлэх үйл ажиллагаа” сэдэвт сургалтыг зохион байгууллаа.