Украин өнгөрсөн амралтын өдрүүдээр ОХУ-ын 4 баазад цохилт өгч сөнөөгч онгоцуудынх нь 34 хувийг буюу 40 онгоцыг устгасан. Гэнэдүүлж довтолсон уг цохилтод ОХУ 7 тэрбум гаруй долларын хохирол амсаад байгаа. Тэгвэл ОХУ лхагва гарагт Украины хотуудад хариу цохилт өглөө.

ОХУ-ын талаас Украин руу 15 нисгэгчгүй онгоц (дрон) 6 пуужингаар цохилт өгсөн бөгөөд зөвхөн Киевт 4 хүн амиа алдаж 20 хүн шархаджээ. Шархадсан 20 хүний 16 нь эмнэлэгт байна. Харин Украины Харьков, Сумы, Луганскт 8 хүн амиа алдсан тухай Украины эрхбаригчид мэдээлжээ. Одоогоор дээрх хотуудын иргэдэд өгсөн сэрэмжлүүлгийн дохио хэвээр иргэд нь түгшүүрийн байдалтай байна. АНУ-ын Ерөнхийлөгч Дональд Трамп Орос Украины пуужингийн довтолгоо нэмэгдэж буйг "бага насны хүүхдүүд зодолдож байгаатай зүйрлэсэн байна. Дональд Трамп “Орос Украин жоохон хүүхдүүд зодолдож байгаатай адилхан байна. Заримдаа тэднийг хэсэг зуур зодолдуулж, зарим үед салгаж байсан нь дээр” гэжээ.

Дональд Трамп ерөнхийлөгчийн сонгуулийн кампанит ажлынха үеэр ялалт байгуулсан тохиолдолд Орос Украины дайны шууд зогсоохоо амлаж байв. Гэвч Дональд Трампын зуучлал төдийлөн амжилт олж, ахиц дэвшил гарахгүй хэвээр байна. АНУ-ын зүгээс ОХУ-ыг яриа хэлэлцээнд ахиц гаргахгүй бол хоригоо өргөтгөнө хэмээн сүрдүүлж байгаа аж.