Монгол Улсын Ерөнхийлөгчийн Тамгын газар, Байгаль орчин, уур амьсгалын өөрчлөлтийн яам, Гадаад харилцааны яам, АНУ-ын Стэнфордын их сургууль болон Бүгд Найрамдах Солонгос Улсын “Бан Ги Мүн” сан хамтран “Алтай дамнасан тогтвортой байдлын яриа хэлэлцээ” олон улсын чуулга уулзалтыг 2025 оны 6 дугаар сарын 5-7-ны өдрүүдэд зохион байгууллаа.

Энэхүү чуулга уулзалтыг “Оюу толгой” компани гурав дахь жилдээ дэмжиж, хамтран зохион байгуулж байгаа бөгөөд энэ жил “Тогтвортой хөгжлийн 13 дугаар зорилт: Уур амьсгалын өөрчлөлтийн нөлөөг бууруулах нь” сэдвийн дор зохион байгуулагдаж байна.

Уг арга хэмжээний үеэр “Оюу толгой” компанийн гүйцэтгэх захирал Дэйрдрэ Лингенфэлдер:

“Оюу толгой дэлхий даяар өрнөж буй эрчим хүчний шилжилтэд хариуцлагатай, зорилготойгоор хувь нэмрээ оруулж байгаадаа бахархаж байна. Бид уурхайдаа 14 ширхэг батарейт цахилгаан тээврийн хэрэгсэл нэвтрүүлж, 2050 он гэхэд хүлэмжийн хийн ялгарлыг тэглэх зорилт тавьсан. Та бид цаг ууртай тохиролцож чадахгүй. Харин бие биетэйгээ ойлголцож, хамтран ажилласнаар ирээдүйгээ хамтдаа өөрчилж чадна. Бид зөвхөн бизнес эрхлэгч, бодлого тодорхойлогчид биш, хожмын өдөр ‘Хамгийн чухал мөчид та юу хийсэн бэ?’ гэж үр хойч маань асуухад хариулт өгөх өвөг дээдэс юм.” хэмээн онцоллоо.