Улаангом хотын коллежийн төлөөлөгчид Хакасия дахь ижил сургалтын байгууллагатай гэрээ байгуулав.

Хакасия дахь политехник нь улсын коллеж юм. Тус коллежийн удирдлагууд Зөвлөлтийн боловсролын хамгийн сайн уламжлалыг хадгалан үлдэж, орчин үеийн аргуудыг идэвхтэй хослуулан хэрэгжүүлж байна.

Гол чиглэл нь програмчлал юм. Коллеж нь системийн администратор, вэбсайт болон програм хөгжүүлэгчид, програмистууд, техникийн зааварлагч сургадаг. Улаангом хотын багш, оюутнууд зарим бүтээлийг үзэж сонирхлоо.

Тус коллеж нь Хакасийн автомашины механик, үйлдвэрийн мэргэжилтэн, нийгмийн ажилтан, эдийн засагч, хуульчдыг сургадаг. Өөрөөр хэлбэл, орчин үед шаардлагатай техникийн мэргэжилтнүүдийг цогцоор нь бэлддэг.

Хамтын ажиллагааны гэрээний дагуу манай оюутнууд ОХУ-д дадлага хийхээр явна. Хакасия нь олон үндэстэнтэй бөгөөд Улаангом хоттой төстэй, уулс, тал хээр, нуурууд байдаг. Нутгийн иргэд Морин спортод дуртай бөгөөд бөхийн барилдаан бол үндсэн спортын нэг юм. Хакасчууд бөхчүүдээрээ бахархдаг бөгөөд тэдний дунд Олимпийн наадамд оролцогчид байдаг.

Улаангомын политехникийн сургуулийн багш нар эрдэм шинжилгээний бүтээлээ хөрш улсын эрдэм шинжилгээний хэвлэлд нийтлэх боломжтой болно. Хакасийн коллеж Беларусийн боловсролын байгууллагатай гэрээ байгуулсан. Энэ нь аль хэдийнэ Европын туршлагыг хуримтлуулж байна гэсэн үг. Үүнээс хуваалцах зүйл их бий.

Улс хоорондын соёлын солилцоо бас чухал байна. Коллеж хооронд зөвхөн сургалтаас гадна спортын хамтарсан тэмцээн, урлагийн тоглолтуудыг зохион байгуулахаар тохиролцов. Залуучуудын хамтын ажиллагаан итгэлцлийн шинэ түвшинд гарах боломжтой. Хойд хөрштэйгөө найрсаг харилцаатай байгаа нь манай оюутнуудад өргөн боломжийг нээж өгч байна.