Гэмт хэргээс урьдчилан сэргийлэх ажлыг зохицуулах салбар зөвлөл, авлигатай тэмцэх газар, көүч лаб сургалтын төвтэй хамтран “Ашиг сонирхлоос ангид байя” аяны хүрээнд дүүргийн дэргэдэх хэлтэс албадын 80 гаруй алба хаагчдад сургалт зохион байгууллаа.

Тус сургалт нь төрийн албан хаагчийн баримтлах ёс зүйн хэм хэмжээг сахиулах, ёс зүйн зөрчил авлига, ашиг сонирхлын зөрчлийн талаарх ойлголтыг нэмэгдүүлэх, хууль эрх зүйн мэдлэг олгох, ёс зүйн хандлагыг төлөвшүүлэх, ажилтан албан хаагчдыг хариуцлагатай, шударга байх дадалд сургах зорилготой.

Цаашид энэхүү аяны хүрээнд төрийн албан хаагчдад тус сургалтыг үе шаттайгаар зохион байгуулахаар төлөвлөн ажиллаж байна.