Оюу Толгойн уурхайд ажиллах ажиллах хүчний тоо жил ирэх тусам нэмэгдэж, одоогийн ажилчдын байр кемпүүдийн насжилт ихэсч, ачаалал хэтэрсэн, нэг өрөөнд олон хүн хамт байрлаж байгаа зэрэг шалтгааны улмаас шинээр ажилчдын байр барих хэрэгцээ шаардлага тулгараад байгаа.

Тиймээс уурхайн цогцолборт ажиллаж буй ажилчдын ая тухтай байх, амрах, ээлжийн хугацаанд амьдрах нөхцөл бололцоог бүрэн хангах орчин үеийн шийдэл бүхий 1,120 өрөө бүхий 5 давхар, 4 блок ажилчдын байнгын орон сууцны барилгыг барихаар төлөвлөж 2025 оны 06 дугаар сарын 10-ны өдөр барилгын шав тавилаа. Шав тавих ёслолд “Эрдэнэс Оюу Толгой” ХХК-ийн Гүйцэтгэх захирал Э.Ганхүү, “Оюу Толгой” ХХК-ийн Гүйцэтгэх захирал Дэйрдрэ Лингенфэлдер болон, гүйцэтгэгч компанийн удирдлагууд, уурхайн ажилчид оролцлоо. 

Уурхайн ажилчдын байрыг “Бодь Пропертийз” ХХК 19 сарын хугацаанд гүйцэтгэж 2026 оны 12-р сард хүлээлгэж өгөхөөр төлөвлөөд байна. Талууд шав тавих ёслолын өмнө хамтын ажиллагааны гэрээнд гарын үсэг зурж төслийн үйл ажиллагааг албан ёсоор эхлүүлэхээр баталгаажууллаа. 

Erdenes Oyu Tolgoi LLC

Oyu Tolgoi