Эрүүл Мэндийн Яамны мэдээлснээр 2024 оны байдлаар улсын хэмжээнд хөхний хорт хавдраар 2728 хүн оношлогдсоноос 401 нь шинээр оношлогджээ. Сүүлийн таван жилд хөхний хорт хавдраар 495 хүн нас барсан байна. Дэлхий нийтээр жил бүрийн аравдугаар сарыг хөхний хорт хавдрын эсрэг дуу хоолойгоо нэгтгэх, хөхний хавдрын талаар мэдлэг ойлголтыг нэмэгдүүлэх, эрт илрүүлгийн ач холбогдлыг таниулах мөн хөхний хорт хавдрын эсрэг тэмцэж буй даван туулагчдын итгэл найдвар, хүч чадлыг онцлон тэмдэглэх онцгой сар болгон тэмдэглэдэг уламжлалтай билээ.