Өнгөрсөн баасан гарагт ХЗДХ-ийн сайдаар Б.Энхбаяр томилогдсон даруйдаа ЦЕГ-ын дарга Т.Сүхболдыг үүрэгт ажлаас нь чөлөөлсөн. Үүнийхээ дараа ЦЕГ-ын даргыг ойрын өдрүүдэд томилно хэмээн мэдэгдсэн байдаг.

Тэгвэл өнөөдөр Засгийн газар ээлжит бусаар хуралдаж, ЦЕГ-ын даргаар хошууч генерал Ж.Болдыг томилжээ. 

Сануулахад, тэрбээр 2023 оны есдүгээр сард үүрэгт ажлаасаа чөлөөлөгдсөн байдаг. Улмаар өнгөрсөн зургаадугаар сард Г.Занданшатарыг Ерөнхий сайдаар томилогдсоноос хойш зөвлөхөөр нь ажиллаж байсан юм.