Дэлхий нийтийг шуугиулаад буй “Эпштэйний баримтууд” гэж юу вэ? Жеффри Эпштейн нь АНУ-ын санхүүч, тэрбумтнууд болон нөлөө бүхий хүмүүсийн хүрээлэлтэй ойр харилцаатай байсан нэгэн бөгөөд насанд хүрээгүй охидыг бэлгийн мөлжлөгт оруулсан хэргээр шалгагдаж байгаад 2019 онд шоронд нас барсан этгээд юм. Сүүлийн үед олны анхаарлыг татаад буй “Эпштэйний баримтууд” гэдэг нь АНУ-ын шүүхээс олон нийтэд ил болгосон шүүхийн материал, мэдүүлэг, баримт бичгүүд юм.

Ямар баримтууд ил болсон бэ?

Эпштейнтэй холбоотой байсан улстөрчид, бизнесменүүд, хаадын гэр бүл, олны танил хүмүүсийн нэрс, хамсаатан Гислейн Максвеллийн хэрэгтэй холбоотой гэрчийн мэдүүлгүүд, Эпштейний нисэх онгоц, аяллын бүртгэл, уулзалтын тэмдэглэл, зарим хохирогчдын өгсөн дэлгэрэнгүй мэдүүлгүүд ил болсон байна.

Яагаад дэлхий даяар шуугиан тарив?

Нэрсийн жагсаалтад АНУ-ын экс ерөнхийлөгчид, ханхүү, саятнууд, алдартнууд дурдагдсан бөгөөд эд нар эрх мэдэл, мөнгө ашиглан хууль, хариуцлагаас бултсан байж болзошгүй асуудал сөхөгдсөн. Ил болсон баримтууд нь шинэ хэрэг биш, харин өмнө хаалттай байсан материалыг нийтэд нээж байгаа юм. “Эпштэйний баримтууд” нь дэлхийн нөлөө бүхий хүмүүс бэлгийн гэмт хэрэгт холбоотой байж болзошгүйг илчилсэн шүүхийн материалууд бөгөөд хууль, шударга ёс, эрх мэдлийн асуудлыг дахин дэлхийн анхаарлын төвд авчирсан том дуулиан юм. Хүн төрлөхтөн солиорсон уу ? Гэхдээ энэ баримтууд бол Жеффри Эпштэйнтэй холбоо барьж байсан, уулзсан эсвэл зураг, имэйлд хамт гарсан алдартай олон хүний нэрсийг агуулсан байгаа ч энэ нь гэмт хэрэгт буруутгасан шууд нотолгоо биш. Жинхэнэ буруутай этгээдүүдийн нэр тодорхойгүй байгаа ч мэдээж улс төрийн нам хүчин, өрсөлдөгч сөргөлдөгчид энэ материалыг бие биенийхээ эсрэг ашиглан дэврээж байгаа тул заримдаа ч хүн төрлөхтөний эрүүл ухаантай эсэхэд эргэлзмээр дүр зураг харагдаж, хэн хүнгүй сэтгэл гутралд ормоор орчин үүсэж байна. Бүх алдартнууд улс төрийн лидерүүд, сод ухаантнууд баячууд нь ийм бэлгийн гаж хандлагатай, гэмт хэрэгт холбогдсон гэж үзвэл хүн төрлөхтөн ер нь дийлэнхээрээ солиорсон гэж үзэхээс аргагүй.