Жил бүрийн дөрөвдүгээр сарын 2-ны өдөр дэлхий даяар Дэлхийн аутизмын мэдлэгийг нэмэгдүүлэх өдрийг тэмдэглэдэг.
 

Энэхүү өдрийг Нэгдсэн Үндэстний Байгууллага 2007 онд албан ёсоор зарласан бөгөөд аутизмтай хүмүүсийн эрх, оролцоог дэмжих, олон нийтийн ойлголтыг нэмэгдүүлэх зорилготой юм.
 

Энэ өдөр улс орнууд “Light It Up Blue” аяны хүрээнд барилга байгууламжуудаа цэнхэр өнгөөр гэрэлтүүлж, аутизмын талаарх мэдлэгийг түгээдэг уламжлалтай.
 

Мэргэжилтнүүдийн хэлж буйгаар аутизм нь өвчин биш, харин мэдрэлийн хөгжлийн онцлог бөгөөд эрт оношилж, зөв дэмжлэг үзүүлэх нь хүүхдийн хөгжилд чухал нөлөөтэй юм.
Иймд иргэд аутизмтай хүмүүсийг ойлгож, ялгаварлан гадуурхахгүй байх нь чухал ач холбогдолтой гэж онцолж байна.