2026 оны Дэлхийн хөлбөмбөгийн аварга шалгаруулах тэмцээнийг (FIFA World Cup 2026) түүхэндээ анх удаа гурван улс буюу Канад, Мексик, АНУ хамтран зохион байгуулна.

FIFA-гийн албан ёсны мэдээллээр тоглолтууд 3 улсын 16 хотод болох бөгөөд АНУ-ын 11 хот, Мексикийн 3 хот болох (Мехико, Гвадалахар, Монтеррей), Канадын Торонто болон Ванкувер хотуудад зохиогдох юм. Тэмцээний нээлтийн тоглолт 6-р сарын 11-нд Мексикийн нийслэл Мехико хотын “Estadio Azteca” цэнгэлдэх хүрээлэнд болох бол финалын тоглолт 7-р сарын 19-нд Нью-Йорк хотын Нью-Жерсигийн “MetLife Stadium”-д зохион байгуулагдана. Харин 3-р байрын төлөөх тоглолт Майамигийн “Hard Rock Stadium”-д болохоор төлөвлөгджээ.

Энэхүү шийдвэрийг FIFA 2018 онд албан ёсоор баталсан бөгөөд ДАШТ-ийг илүү өргөн хүрээнд, олон улсын оролцоог нэмэгдүүлэх зорилготой гэж үзэж байна.

2026 оны тэмцээн нь хэд хэдэн онцлогтой. Үүнд, өмнөх тэмцээнүүдэд 32 баг оролцдог байсан бол энэ удаад 48 баг оролцохоор болж, дэлхийн олон орны шигшээ багуудад боломж нэмэгдэж байна. Мөн тоглолтууд Хойд Америкийн олон хотод зэрэг явагдах бөгөөд зохион байгуулалтын цар хүрээ өмнөхөөс илүү өргөн байх юм.

Ийнхүү 2026 оны Дэлхийн аварга шалгаруулах тэмцээн нь хөлбөмбөгийн түүхэнд шинэ хуудсыг нээж, дэлхийн спортын томоохон үйл явдлын нэг болж өрнөхөөр хүлээгдэж байна.

Эх сурвалж: www.fifa.com