Ойрх Дорнодын бүс нутагт нөхцөл байдал хурцдаж, Израиль болон Ливанд үйл ажиллагаа явуулдаг “Хезболла” бүлэглэлийн хоорондох мөргөлдөөн ширүүссээр байна. Гал зогсоох хэлэлцээ эхэлсэн ч Ливанд халдлага үргэлжилж, олон хүний амь нас хохирлоо.

Ливаны Эрүүл мэндийн яамны мэдээлснээр, Израилийн агаарын цохилтын улмаас дор хаяж 182 хүн амиа алдаж, олон зуун хүн шархадсан байна. Энэ нь сүүлийн үеийн мөргөлдөөний хамгийн их хохиролтой өдрүүдийн нэг болж байгаа юм.

Израилийн арми Ливаны нутаг дэвсгэрт цохилт өгсөн бол “Хезболла” бүлэглэл хариу болгон пуужин харваж, талууд харилцан довтолжээ. Үүний өмнө АНУ болон Ираны хооронд гал зогсоох хэлэлцээ эхэлсэн ч уг тохиролцоо Ливанд үйлчлэхгүй гэж Израиль мэдэгдсэн байна.

Олон улсын байгууллагууд энэхүү халдлагад санаа зовниж, энгийн иргэд ихээр өртөж байгааг онцолж, талуудыг яаралтай гал зогсоохыг уриалжээ.

Ийнхүү гал зогсоох яриа эхэлсэн ч бодит байдал дээр мөргөлдөөн намжаагүй, харин ч улам даамжирч, бүс нутгийн тогтворгүй байдал нэмэгдсээр байна.