Монгол Улсын зүүн бүс нутагт албан айлчлал хийх хугацаандаа Элчин сайд Буанган Сүхбаатар аймгийн шүүхийн Тамгын газраар зочиллоо. АНУ-ын Конгрессын дэргэдэх Олон улсын манлайллын төвөөс хэрэгжүүлдэг “Нээлттэй дэлхий" хөтөлбөрт оролцож амжилттай дүүргэсэн ерөнхий шүүгч, шүүгчид, мөн захиргааны албан хаагч нартай уулзан тэдний ажлын амжилт, хөтөлбөрөөс суралцсан сайн туршлага хэрхэн хэрэгжиж байгааг сонслоо.

Энэхүү 10 хоногийн мэргэжлийн солилцооны хөтөлбөр нь оролцогчдыг АНУ-д авчран, Америкийн засаглал, шүүхийн тогтолцоо болон хууль дээдлэх ёсны талаар суралцах боломж олгодог. Мөн Дорнод аймагт Элчин сайд Буанган АНУ, Монгол Улсын "Хүүхэд хамгааллын компакт гэрээ" (ХХКГ)-ний хүрээнд 2025 оны 10-р сард байгуулагдсан Хүүхдэд ээлтэй байраар зочиллоо.

2025 оны 9-р сард АНУ-д туршлага судлах аяллын Монгол оролцогчийн санаачилгаар үүссэн энэхүү шинэлэг орчин нь гэмт хэргийн хохирогч, гэрч болсон хүүхдүүдийг дахин сэтгэлзүйн шарх авах эрсдэлээс сэргийлж, ярилцлага авахад тайван, аюулгүй орчныг бүрдүүлэн, шаардлагатай дэмжлэг, үйлчилгээ авах боломжийг шуурхай хангаж байна. ХХКГ-ний бодит үр дүнг улс даяар харж байгаад маш их талархаж байна.