Ормузын хоолой-той холбоотой нөхцөл байдал дахин хурцдаж, олон улсын анхаарлын төвд байна. Иран-ы төрийн мэдээллийн хэрэгслүүд уг хоолойг хаасан талаар мэдээлсэн нь бүс нутгийн геополитикийн хурцадмал байдлыг нэмэгдүүллээ.

Энэхүү алхам нь Израилийн Ливан дахь цэргийн ажиллагааны хариу арга хэмжээ хэмээн тайлбарлагдаж байна.

Гэсэн хэдий ч олон улсын эх сурвалжуудын мэдээлж буйгаар Ормузын хоолой албан ёсоор бүрэн хаагдаагүй байна. Харин бодит нөхцөл дээр тээврийн урсгал эрс багасч, аюулгүй байдлын эрсдэл, даатгалын хүндрэлээс шалтгаалан ихэнх хөлөг онгоц нэвтрэхээс татгалзаж байгаа ажээ.

Зарим мэдээллээр, уг бүсэд хэдэн зуун хөлөг онгоц саатаж, тээвэр бараг зогсонги байдалд орсон байна. Ийм нөхцөл байдал нь дэлхийн нефтийн нийлүүлэлтэд сөргөөр нөлөөлж, зах зээлд тодорхойгүй байдал үүсгэж эхэлжээ.

Ормузын хоолой нь дэлхийн нефтийн тээврийн гол зангилаа бөгөөд аливаа доголдол нь олон улсын эдийн засагт шууд нөлөөлдөг. Тиймээс бүс нутгийн энэхүү хурцадмал байдал ойрын өдрүүдэд хэрхэн өрнөх нь дэлхий нийтийн анхаарлын төвд хэвээр байна.
Иран хоолойг хаасан гэж мэдэгдсэн ч бодит байдал дээр бүрэн хаалт биш, харин тээврийн хөдөлгөөн огцом хумигдаж, бараг зогсонги байдалд хүрээд байна.