Ойрхи Дорнодын бүс нутагт хурцадмал байдал эрс нэмэгдэж, Иран болон АНУ -ын хоорондын зөрчил шинэ шатанд хүрлээ. Энэхүү нөхцөл байдал нь зөвхөн бүс нутгийн аюулгүй байдал төдийгүй дэлхийн эдийн засагт томоохон нөлөө үзүүлэх эрсдэлийг дагуулж байна.

Геополитикийн хурцадмал байдал Сүүлийн өдрүүдэд цэргийн болон улс төрийн мэдэгдлүүд ширүүсч, Хормузын хоолой орчимд стратегийн эрсдэл үүсээд байна. Дэлхийн газрын тосны нийлүүлэлтийн томоохон хэсэг дамждаг энэ бүсэд аливаа саатал гарвал олон улсын зах зээлд шууд нөлөөлөлдөг.

Эдийн засгийн нөлөө Шинжээчдийн үзэж байгаагаар газрын тосны үнэ огцом өсөх магадлалтай, дэлхий даяар инфляц дахин нэмэгдэж тээвэр, ложистикийн зардал өснө. Энэ нь Олон улсын валютын сан болон Дэлхийн банкны эдийн засгийн өсөлтийн таамагт сөргөөр нөлөөлж болзошгүй.

Монголд үзүүлэх нөлөө Хэдийгээр Монгол улс газарзүйн хувьд алслагдсан ч шатахууны үнэ өсөх , импортын барааны үнэ нэмэгдэх, инфляц дахин нэмэгдэх дарамт үүсэх зэрэг нөлөө мэдрэгдэх нь ойлгомжтой байна. Энэ мөргөлдөөн өргөжвөл дэлхийн эдийн засагт шинэ “шок” үүсч, 2008 эсвэл 2020 оны хямралтай дүйцэх эрсдэл үүснэ гэж ажиглагчид дүгнэжээ. Ойрхи Дорнодын нөхцөл байдал нь зөвхөн бүс нутгийн асуудал биш болж, дэлхийн эдийн засгийн тогтвортой байдалд шууд нөлөөлөх түвшинд хүрээд байна. Иран болон АНУ-ын харилцаа ойрын үед хэрхэн өрнөхөөс дэлхийн эдийн засаг хамаарах юм.