Үндэсний их баяр наадмыг зохион байгуулахтай холбоотой худалдаа, үйлчилгээ зохион байгуулах цэгийн байршлын талаар Үндэсний их баяр наадмыг зохион байгуулах хорооноос мэдээлэл өглөө. 

Энэ жил хоол үйлдвэрлэл, худалдаа үйлчилгээ эрхлэх түр зөвшөөрлийг license.mn-ээр олгоно. Түр зөвшөөрлийн хүсэлтийг долоодугаар сарын 1-ний 17:00 цагаас долоодугаар сарын 3-ны 17:00 цаг хүртэл авна.

• Хоол үйлдвэрлэл, үйлчилгээ эрхлэгч нь хуулийн этгээд байна. Мэргэжлийн тогооч болон ажиллагсад нь эрүүл мэндийн үзлэг шинжилгээнд хамрагдсан цагаан дэвтэртэй байх шаардлагатай. 
• Хүнсний худалдаа эрхлэгч нь иргэн болоод хуулийн этгээд байж болно. Эрхлэх бүтээгдэхүүний зураг төрлийг тодорхой тусгаж бүртгүүлсэн байх ёстой. 
• Хөдөлгөөнт тоглоомын үйлчилгээ эрхлэгчид license.mn-ээс Монгол наадам цогцолборыг сонгоод хөдөлгөөнт тоглоомынхоо танилцуулга, аюулгүй байдлын зааварчилгаа, дүгнэлтийг хавсаргаж, мэдээллээ явуулна. 
• Үндэсний үйлдвэрлэл, гар урлал, бэлэг дурсгал, соёлын бараа чиглэлээр Нийслэлийн жижиг дунд, үйлдвэр, үйлчилгээний төв рүү license.mn-ээс сонголтоо хийгээд хүсэлтээ илгээнэ.