Өнгөрөгч Бямба гарагт Оросын онлайн худалдааны хамгийн том тоглогч болох Wildberries компанийн хоёр агуулах Украины агаарын цохилтод өртсөний улмаас найман хүн амь үрэгдэж, 62 хүн шархаджээ.

Мөн Москвагаас зүүн өмнө зүгт 475 км орчим зайд оршдог Тамбов хотын агуулахад долоон хүн амиа алдаж, 25 хүн шархадсан байна.

Түүнчлэн Москва мужийн Электросталь хот дахь өөр нэг агуулахад нэг хүн алагдаж, 37 хүн шархаджээ.

Украины ерөнхийлөгч Зеленский “олон улсын хоригт орсон нисгэгчгүй онгоц, навигацын тоног төхөөрөмжийн үйлдвэрлэлд шаардлагатай эд ангиудыг ханган нийлүүлэхэд ашиглагдаж байсан ложистикийн томоохон байгууламжууд”-д халдсанаа мэдэгдсэн байна.

Тэрээр мөн Украины арми Азовын тэнгис, Хар тэнгис, Крымийн хойг дахь байнуудад агаараас цохилт өгснийг мэдээлжээ.

Сошиал орчинд тарсан зураг, бичлэгүүд агуулах шатсаны улмаас тэнгэрт асар их хар утаа тархсан байгааг харуулж байна.

Зеленский энэхүү халдлагыг “манай иргэний дэд бүтэц, хот суурин газруудад Оросын талаас довтолж” байгаагийн хариу арга хэмжээ гэж тайлбарлажээ.