Хичээлийн жил 16-17 долоо хоног буюу хэт урт үргэлжилж байгаатай холбогдуулан багш, сурагчид ядрах, төвлөрөл буурах зэргээр нөлөөлж болзошгүй байдалд аль хэдийн хүрсэн..

Тэгвэл Боловсролын яамны Төрийн Нарийн бичгийн дарга Т.Ням-Очир хэлэхдээ "Нийслэл болон аймгуудын хичээлийн жилийн бүтэц ялгаатай. Гэхдээ холбогдох хуульд заасны дагуу хичээлийн жилийн эхлэх болон дуусах хугацаа нэг байх зарчим өөрчлөгдөөгүй.

Хичээлийн жилийн бүтцийг дөрвөн улиралтай болгож зохион байгуулж байна. Нэгдүгээр улирлын хичээл бие даалтын долоо хоногийг оролцуулбал 17 долоо хоног үргэлжилж байсан.

Хичээлийн жил 16-17 долоо хоног буюу хэт урт үргэлжилж байгаатай холбогдуулан багш, сурагчид ядрах, төвлөрөл буурах зэргээр нөлөөлж болзошгүй. Ийм учраас 7-9 долоо хоног хичээллээд улирлын амралт таарахаар дөрвөн улирлын зохион байгуулалтыг хийсэн.

Бие даалтын долоо хоногийг

• Нийслэлийн сургуулиудад хоёрдугаар улирлын төгсгөлд  
• Хөдөө орон нутгийн хувьд гуравдугаар улирлынхаа эхэнд төлөвлөж байгаа.

Яагаад нийслэлд хоёрдугаар улирлын төгсгөлд бие даалтын долоо хоногийг гаргаж өгч байгаа вэ гэхээр ханиад томуугийн дэгдэлт, утаатай холбоотой. Тухайн жилийн 46, 47, 48 дахь долоо хоногуудад ханиад томуугийн тархалт нэмэгдэж буй дүр зураг байгаа. Иймд бие даалтын долоо хоногийг нийслэлд хоёрдугаар улирлын төгсгөлд зохион байгуулна. 

Хөдөө орон нутагт мал төллөхтэй уялдуулж гуравдугаар улирлын эхэнд бие даалтын долоо хоногийг амралтын долоо хоногтой нь уялдуулж 14 хоног байхаар зохицуулалт хийсэн" гэлээ. 

Үргэлжлүүлэн "Цагаан сарын хугацаанд бүх нийтийн амралт таардаг. Бүх нийтийн амралтын хүрээнд хичээлийн жилийг өөрчлөх хэрэгцээ шаардлага үүсээд байгаа учраас цагаан сарын долоо хоногт бие даалтын долоо хоногийг гаргаж өгч байгаа.

Нэг талаас бие даалтын долоо хоногуудыг амрах хугацаа, ханиад томуу, мал төллөхтэй холбож гаргаж ирж байна. Нөгөө талаас сургалтын үйл ажиллагаанд гэр бүл, эцэг эх, асран хамгаалагчийн оролцоог хангах зохицуулалтыг гурав дахь хичээлийн жилдээ хадгалъя гэж үзэж байгаа" хэмээн хэллээ.