УИХ-ын нэгдсэн чуулганаар хоёр намын бүлгийн гишүүд бие бие рүүгээ дайрах төлөвтэйгээр үргэлжилж байлаа. Энэ үеэр микрафонд үг хэлэх боломж олдоогүй зарим нэг гишүүн дэггүйтэж , тэдний үйлдэл УИХ-ын даргын нүдэнд өртөж орхив. Цэнхэр дэлгэцээр орон даяар цацагдаж байсан УИХ-ын чуулганы хуралдааны үеэр Д.Дэмбэрэл даргын тэсвэр алдрав бололтой “С.Ламбаа даргаа,та сайд байж байгаад дотоод журам жаахан мартсан байна. Л.Гүндалай битгий хашгираад бай” гэв. АН-ын томоогүй гишүүдийн ангийн даргадаа загнуулахыг харсан зарим нэг хүн тэднийг ёжлож харагдав.