Уул уурхайн үйл ажиллагааны нөлөөнд өртөж, экологийн асуудалтай нүүр тулж буй Өмнөговь аймгийн  Ноён, Гурвантэс сумын иргэдэд тус аймгийн Байгаль орчны газраас сургалт зохион байгуулжээ. Хоёр сумын засаг дарга, багийн дарга нар болон малчдын төлөөлөл 50 гаруй иргэн хамрагдсан энэ сургалтын үеэр байгалийн тодорхой баялгийг хариуцан хамгаалах, тулгамдаж байгаа асуудлынхаа талаар дэлгэрэнгүй ярилцан, гарах арга замын нэг болох нөхөрлөл байгуулах хүсэлтээ илэрхийлсэн байна.