Францад амьжиргааны өртөг нэмэгдэж, төрийн үйлчилгээний нөхцөлийг эсэргүүцсэн жагсаал үймээн самуун болон даамжирсны дараа Ерөнхийлөгч Эммануэль Макрон иргэдийг тайван байж, хүчирхийллээс татгалзахыг уриаллаа.

Тэрбээр нийтийн болон хувийн өмчийг сүйтгэж, дэлгүүрүүдийг тонон дээрэмдсэн этгээдүүд хариуцлага хүлээх ёстойг мэдэгдэв. Мөн тайван замаар шаардлагаа илэрхийлж буй иргэдийг хүчирхийлэл үйлдэгчдээс ялгаж ойлгох хэрэгтэйг онцолжээ. 

Макрон засгийн газарт жагсаалын үеийн аюулгүй байдлын арга хэмжээг шалгаж, нийгмийн асуудлыг шийдвэрлэх гарц олохын тулд улс төрийн намууд, үйлдвэрчний эвлэл болон оюутны байгууллагуудтай хэлэлцээ хийх үүрэг өгсөн байна. 

Эх сурвалж: Reuters · Associated Press