М.ОНОН: БИЧЛЭГТ БИ БАЙГААГҮЙГ НОТЛОХ БАРИМТ БИЙ

img

 

“10 саяын” гэх бичлэгт нэр холбогдсон М.Онон өөрийгөө буруутай гэх мэдээллийг няцааж, цагдаад ханджээ

Төмөр замын газрын Тээврийн удирдлагын газрын даргын үүргийг гүйцэтгэгч М.Онон олон нийтийн сүлжээнд тархсан “10 сая төгрөгийн” гэх мөнгөн гүйлгээтэй холбоотой бичлэгт өөрийн нэр, зураг, албан тушаалыг үндэслэлгүйгээр холбон нийтэлж байгааг мэдэгджээ.

Тодруулбал, энэ сарын 1-нээс “madina.dina08” нэртэй Instagram хаягаар төмөр замын удирдах албан тушаалтантай холбоотой гэх 10 сая төгрөгийн мөнгөн гүйлгээний тухай бичлэг нийтлэгдсэн. Уг мэдээлэл цахим орчинд тархах үеэр М.Ононгийн нэр, гэрэл зураг, албан тушаалыг дурдсан нь түүнийг олон нийтийн анхаарлын төвд оруулсан. 

Харин М.Онон уг үйл явдалд оролцоогүй бөгөөд өөрийг нь мэдээлэлд холбосон нь үндэслэлгүй гэж мэдэгдсэн байна. Түүний тайлбарласнаар, тухайн үйл явдал болсон гэх үед гэр бүлийнхээ хамт амарч байсан бөгөөд үүнийг нотлох камерын бичлэг болон бусад баримт байгаа аж. Мөн анх бичлэг нийтэлсэн иргэн дараа нь хийсэн тайлбартаа хамт байсан хүн өөрийгөө төмөр замын дарга гэж танилцуулсан боловч үнэн хэрэгтээ тус салбарын дарга биш байсан талаар мэдээлсэн гэдгийг М.Онон дурджээ. Тэрбээр өөрийн нэр хүндээс гадна төмөр замын салбарын ажилтан, инженер, техникийн ажилтнуудын ажил хэргийн нэр хүндэд сөргөөр нөлөөлж байгаад харамсаж буйгаа илэрхийлсэн байна. Иймд нэр төр, алдар хүнд, ажил хэргийн нэр хүндээ хамгаалуулахаар цагдаагийн байгууллагад холбогдох хүсэлт, гомдол гаргасан бөгөөд шаардлагатай тохиолдолд шүүхэд нэхэмжлэл гаргахаа мэдэгджээ. Түүнчлэн уг мэдээллийг нягтлалгүйгээр өөрийнх нь нэр, зургийг ашиглан түгээсэн хэвлэл мэдээллийн байгууллага, цахим хуудсуудыг мэдээллээ залруулахыг хүссэн байна. М.Онон өнөөдөр буюу арваннэгдүгээр сарын 3-ны өдрийн 11:30 цагт Баянгол дүүргийн Цагдаагийн хэлтсийн гадна хэвлэлийнхэнд мэдээлэл өгөхөөр товложээ.

СЭТГЭГДЭЛ БИЧИХ

CYBERNOX GREYHAT SECURITY:
CYBERNOX GREYHAT SECURITY Digital Asset Recovery & Cybersecurity Assistance At CYBERNOX GREYHAT SECURITY, we assist victims of scams, fraud, and theft in investigating and attempting to recover lost or stolen assets. Our areas of assistance include: Cryptocurrency and digital asset tracing. Recovery assistance for lost or stolen mobile phones. Assistance with stolen or missing vehicles, including cars. Investigation of missing or stolen electronic devices. Digital fraud investigation and evidence collection. Our Commitment We do our best to assist every client using appropriate investigative methods. However, recovery is never guaranteed, as every case is different. Where evidence of suspected criminal activity is identified, we support appropriate reporting and cooperation with relevant law enforcement authorities. Any recovered property or assets should be handled and handed over through lawful procedures. Your security matters. We encourage victims to document incidents, preserve evidence, and report suspected crimes to the appropriate authorities. Visit our official website : https://cybernoxsecurity.com
2026-11-05
ёстой ичиж үхвэл таарна
2026-11-03