УИХ-ын нэгдсэн чуулган үргэлжилж байна. Нэгдсэн чуулганаар  ЗТБХБ-ын сайдад нэр дэвшигчид хандаж, УИХ-ын гишүүд үг хэлж байна.         С.Эрдэнэ: Уур амьсгалыг ажаад байхад асуудлыг хувийн шинж чанартайгааг мушгин гуйвуулах, авч үзэх байдал нэлээд давуу байдалтай харагдаж байна. Өнөөдөр чуулганаар ганц энэ асуудал хэлэлцэгдээд дахиад хамааралгүй болох гэж байгаа юм шиг бяртай амьтан суух юм. УИХ-ын гишүүн бол таниас ямар ч асуудал асууж болно. Та ямар ч асуултад хариулах эрхтэй. Та хэдийгээр адилхан УИХ-ын гишүүн ч гэсэн Гүйцэтгэх засаглалыг тэргүүлж байгаа хүн юм чинь, өөрийнхөө хувь хүн рүү хандсан байдал руу холбож ойлгоод, ярвалзаад байх эрхгүй. Та Н.Батбаяр гишүүний асуултад хариулах үүрэгтэй. Хүсэхгүй байгаа бол та суудлаа өгөх хэрэгтэй. Нэг их дээр заларчихаад их л бяртай, хүчтэй хүн суух юм. Надад одоогоор ЗТБХБ-ын сайдад нэр дэвшигчид хэлэх үг алга. Олонхиороо дэмжигдээд явна байх. Монгол Улсын Ерөнхий сайд аа та, энэ явахгүй багйаа Хөгжлийн банкныхаа асуудал, ард түмний эрүүл, аюулгүй орчинг хангах нь таны үүрэг. Та энэ ажилдаа анхаарал хандуулаач. Н.Батбаяр: Би уг нь үг хэлэхийг бодоогүй юм. Ерөнхий сайдын суудалд суучихаад хэнийг ч би яаж ч чадна гэсэн маягаар яриад байхаар нь хэлж байна. Та тэр Тавантолгойн ордыг яаж авсан бэ гэсэн асуултыг би хоёр удаа тодорхой асуулаа. Та хариулсангүй. Та тэр ордыг хулгайн замаар, луйвраар авсан. Та өөрөө сайд байх даа авсан. Хулгай хийсэн хүн хариулдаггүй юм.  Та хариулах үүрэгтэй. Тулай жилийн сүүлээр туулайчилж хамаагүй гүйж болохгүй. Цөөхөн хэдэн монголчууд талцаж, хэл амаа ололцох хэрэгтэй. Үүнийгээ хамтарч ажилчихаад үүнийгээ ажил болгоё гэхээр нэг хүн рүү дайрах хэрэггүй. Нэг нүүрээрээ юм ярьчихаад өөр зүйл яриад байх хэрэггүй.Хэлсэн үгэндээ эзэн, идсэн хоолондоо сав болоорой. Та наад сууж байгаа суудлаа хүндлэж, түүндээ таарсан бодлого явуулах хэрэгтэй. Энэ сэнтийд таарсан бодлого явуулаарай гэж захиж хэлье. С.Заяа