Засгийн газрын хуралдаанаар махны нөөцийг нэмэгдүүлэхийг үүрэг болгосон байна. Энэ талаар ХХААХҮ-ийн сайд Т.Бадамжунайгаас тодрууллаа. -Монгол Улсын сайн малчин, тариаланчдыг шагнаж урамшуулах Засгийн газрын тогтоол гаргууллаа. Ойрын хугацаанд орон нутгаар явж энэхүү шагналыг нь гардуулж  тэднийг нийгэмд сурталчлах, дараагийн залуу үеийнхэнд үлгэр дуурайл  болгох талаар ярилцлаа. Мөн махны нөөцийг нэмэгдүүлэх, хангалттай байлгах талаар мэдээлэл сонслоо. Өнөөдөр нөөцөд байгаа болон худалдаанд гарч байгаа мах, нийлүүлэлтийн тоо хэмжээ, үнийн байдлыг тодорхой  ярилаа Нөөцийн хэмжээ өнгөрсөн жилийнхээс  нэмэгдэж 16 мянган тонныг бэлдсэн. Өнөөдрийн байдлаар хоногт 45 тонн мах буюу 1000 гаруй тонн  махыг худалдаад байна. Мөн нөөцийг махны хэмжээг нэмэгдүүлэх тооцоо судалгааг хийж дараагийн Засгийн газрын хуралдаанд оруулахаар чиглэл хүлээж авлаа.  Өнөөдрийн хуралдаанд хотын удирдлагууд оролцож манай яамтай хамтран ажиллах болсон. Тэрэхээр дараагийн Засгийн газрын хуралдаанаар нөөцийн махны хэмжээг 10 мянган тооноор нэмэгдүүлэх боломжийг судалж бэлэн болгоод хэлэлцүүлнэ.