
Дунд сургуулийн захирал, багш нар сурагцагч хүүхдүүдээ мөнгө болгон харж явдаг гэх мэдээлэл байдаг. Элдэв сурах бичиг зохиож, аль эсвэл хэн нэгний зохиосон номыг заавал худалдаж авахыг Тэгьэл Улсын тэргүүний гэх тодотголтой 23 дугаар сургууль цахим журнал гэгчийг санаачилж, хүүхэд бүрээс 12000 төгрөг хурааж байгаа талаар манай сайтад эцэг эхчүүдээс гомдол ирүүлсэн юм. Уг цахим журнал нь өдөр бүр тус сургуулийн сурагчдын эцэг эхийн гар утсанд “2012 оны ... сарын ... өдөр таны хүүхэд дүн аваагүй ” гэсэн утга бүхий мессэж илгээдэг аж. Харин эцэг эхчүүд энэ бол илүү зардал. Учир нь анги даасан багш сар бүр эцэг эхчүүдэд хурал хийж хүүхдийнх нь сурлага, сурах орчинг таницуулж, хурал зохион байгуулах үүрэгтэй. Гэтэл утсаар ийнхүү утсаар мэдээлэл өгчихөөд таг байгаа нь хаалттай ажиллаж, хариуцлагаас зугатах гэсэн арга хэмээн эцэг эхчүүд үзэж буй. Тэдний гомдолын дагуу тус сургуулийн нийгмийн ажилтан Г.Эрдэнэчимэгээс зарим зүйлийг тодрууллаа.
-23-р сургууль цахим журнал гаргаж хүүхэд бүрээс 12000 төгрөг хураагаад эхэлчихсэн талаар мэдээлэл ирлээ. Үүнийг эцэг, эхчүүд зөвшөөрсөн юм уу?
-Одоогоор эцэг эхчүүдээс санал аваагүй. Удахгүй авна.
-Гэхдээ мөнгөө хураагаад эхэлчихсэн юм байна шүү дээ?
-Тийм.
-Цахим журнал гаргаж мөнгө хурааж байгаа нь Боловсролын сайдын мөнгө хураахыг хориглосон журамд хэр нийцэж байгаа юм бол?
-Тэрнийг сайн мэдэхгүй байна. Би ажлаа аваад удаагүй байгаа.
- Боловсролын яаманд цахим журнал гаргаж хүүхдүүдээс мөнгө хурааж эхэлсэн гэдгээ мэдэгдсэн үү?
-Эхлээд эцэг, эхчүүдээс санал авсаны дараа мэдэгдэх байх. Энэ талаар одоо бид хуралдах гэж байна.
-Хэрвээ эцэг эхчүүд зөвшөөрсөн ч гэсэн Боловсролын сайдын журмыг зөрчиж байсан ч хамаагүй мөнгөө хураах юм уу?
-Тэр талаар одоо л ярих байх.
СЭТГЭГДЭЛ БИЧИХ